Tag: poesia

M^ә scusaré si avé magnàt^ә da pògh^ә,
nun è argumènt da cunv^әrsazióŋ.
Ènn^ә ròbb^ә ch^ә s^ә fann^ә e nun s^ә dič^әn^ә,
ma io v’ho pròpi da fà na cunf^әsióŋ.

In pògh^ә paròl^ә la storia è questa:
ma me l gabinétt^h m^ә piač^ә na mucchia.
La sera, la matìna e a tutt^h l’ór^ә
p^әr me a stà sul water è na pacchia.

Adessa nun è ch’io vòj fà l sapùt^ә,
ma è n po’ cóm^ә quant s^ә fà l’amór^ә:
c’è quel ch^ә n j sà milànd da f^әnì
e quel ch^ә s^ә badurla tre quattr’ór^ә.

Io nt st^ә ròbb^ә nun c’ho na gran fuga,
ma l’altr giórn m’ha prés^ә l’agitazióŋ:
la sdulurata m’è nuta a l’ stadio
mèntr^ә giugava la naziunal d^әl palóŋ.

E pròpi ntl mumènt^h ch^ә m^ә pareva
da èss^әm^ә lib^әràt^ә da n gran fardèll,
dagg^h óltra la maŋ da la part^ә d^әl mur^ә
e guasi m^ә s’acapóna la pèll.

D^әla carta igiennica manc^h l’ombra,
(… sì, l so ch^ә vujaltri dagià ridé…)
ma machì puliss duventa n problema
p^әrché s’ènn^ә anca scurdati d^әl bidè.

Tra na madonna e n’antra m’arcòrd^ә
ch^ә nun ho cumpràt^ә manc^h l giurnàl^ә.
N artìcul^ә d^ә Sallusti o d^ә Belpietro
p^әr dass n’arpulita nun era mal^ә.

Quant l’arbitr^ә fischia l s^әcónd^ә tèmp
ecca ch^ә m^ә viéŋ in mènt^ә la suluzióŋ:
c’avrìa d’avé la bandiera triculór^ә
ntla sacòccia d^ә diétra di calzóŋ.

M^ә sa fatìga, v^ә l pòss’ asigurà,
ma è sól’ p^әr l^әvamm^ә da st’afànn^ә.
Nun era acusì ch^ә m^ә cr^әdéva
da f^әst^әgià i centencinquantànn^ә.

Sì, nun sarò stat^ә n gran patriota
ma quant č^ә vòl č^ә vòl’, vivadio!
E pò, si la dòpra l m^әnistr^ә Bossi
chi è ch^ә dič^ә ch^ә n la poss duprà io?

Acqua scura cóm^ә l piómb^ә
s^ә pr^әpàra malasù da lóng^h,
quànd’ancó machì a marina
la caldàccia tàja l^ә gàmb^ә
e l garbìŋ fiàra.

Ma la bùga prèst càrga
e prèst lìbb^әra,
e dagià n tramónt^ә róšc^ә
ariscàlda st’aréna p^әsànta
dòp^ә l t^әmpuràl^ә.

Da ch^әla finèstra apèrta
tra l Fusàčč^ә e Scap^әzàŋ
végg^h i culóri d^әl tèmp.
Nun vòj capì p^әrché:
m^ә cuntènt^h d^ә struligà.

E acusì, t^ә par da pudé arcuntà
l paradìs^ә da l’infèrn^ә,
l ciél^ә azùrr^ә dal turmènt^h?
D’arcuntà n pràt^ә vèrd^ә
da n binàri d^ә fèrr^ә giàčč^ә?
N surìs^ә da diétra n vél^ә?
Ma té t^ә par da èss bòŋ?

E t’hann^ә fàtt^h fà a gàmbi^ә
j eroi tua sa quàttr fantasmi?
Cénn^әra infugàta sa dó àrbuli?
La caldàccia sa n v^әntarìŋ frésc^h?
N cunt^әntìŋ sa la vòja d^ә gambià?
E hai sgambiàt^h la pàrt^ә da cumpàrsa in guèrra
pr n pòst da cumandànt in gabbia?

Quànt m^ә piač^әrìa ch^ә fussi machì!
Séŋ dó ànnim^ә pèrs^ә nt na vasca di péssi,
pàss^әn^ә j ànn,
a forza da fà avanti e indrìa pi stéssi pòsti
cò avéŋ truàt^ә?
I sòlliti magóŋi d^ә na vòlta.
Vurìa pròpi ch^ә fussi machì!

(libera traduzione di “Wish You Were Here”, Pink Floyd 1975)

LA FRATELLANZA DEL MOLO DI PONENTE
RICORDA
A QUANTI SI FERMANO QUI
PER RIPOSARE
I PESCATORI SENIGALLIESI
E I NAVIGANTI DI QUESTO PORTO
SCOMPARSI IN MARE
PER DURA NECESSITÀ DI VITA
1 Giugno 1985
(Senigallia, banchina di Ponente, di fianco al capannino degli “Amici del Molo”)

 

Védi, fiòl^ә mia,
té ch^ә pàssi machì d’istàt^ә
e vai a giugà a marìna,
a discùrr sótta l’umbr^әlóŋ
sènza n p^әnsiér^ә al mónd,
Nun avé fùga:
fèrm^әt^ә a lèğğ^ә càlca vòlta.

Èr^әn^ә giuvinòtti cóm^ә té,
lóra,
e st^ә màr^ә l’hann^ә cunušùt^ә bèŋ.
La caldàccia sènza arcór^ә
su la dàrs^әna a cum^әdà l^ә rét^ә,
quànt la bunàzza d’Agóst
n t^ә fà sgapà dal pòrt;
o ch^әl frédd ch^ә bócca nti òss
d^ә prima matìna l’invèrn.
E pò l^әvènt^h da maéstr^ә
ch^ә duvènta t^әmpèsta,
e l sudór^ә e la fatìga e i biastìmi
p^әrché l mòl^ә n s^ә véd^ә.
E mèntr cérchi da salvà la barca
sènza purtàlla a marìna,
la strachézza cumìncia
a n^әbiàtt^h la vista.

Epùr^ә a la fiŋ di cónti,
fiòl^ә mia,
nun l sò chi, tra niàltri e lóra,
ma st^ә màr^ә
j č^ә s’è f^әziunàt^ә di più.

Stàŋ a séd^ә machì a la p^әdòssa
imbambulàti a guardà st^ә fiùm^ә,
io e te,
sótta n ciél^ә fitt^h d^ә stèll^ә
ch^ә guàsi č^ә càsca adòss.

Avéŋ pasàt^h n’àntra giurnàta,
pàr da èss gìtti p^әr mar^ә.
Asp^әtàŋ machì,
mànc^h sapéŋ p^әrché č^ә séŋ nùti,
stràcchi sènza avé fatigàt^ә.

Te m^ә discurri
cóm^ә si m^ә stàssi da lóng^h,
e io t’arispónd
cóm^ә si fussi da n’àntra pàrt^ә,
nt n àntr tèmp.

Ch^әl lungagnóŋ ingruatàt^ә malagiù
su la pónta d^әl mòl^ә ch^ә bàgia ma tutti,
nun l sà ch^ә n č^ә s^ә pòl^ә bagià più
adè ch^ә gìra l’influènza di purchétti?

Ma òğğ^ә tòcca fà fèsta, ninìŋ mia,
e l’as^әsór^ә ha da risp^әtà l č^әrimuniàl^ә!
C’è l vésc^h, l pr^әsidènt e l g^әn^әràl^ә,
la sìndica e tutti i capurióŋi diétra lìa.

Cèrt^h ch^ә st^ә pòrt nòv^ә è bèll davéra,
io ch^ә č^ә sò cr^әsùt guàsi n l’arcunóss,
è làrg^h ch^ә č^ә càp^әn^ә ànca l^ә bàrc^h gròss^ә,
ma i purtulòtti cóm^ә me nun j pàr véra.

I discórsi ènn^ә f^әnìti, adè c’è da magnà:
sarduncìŋi a scottadéta p^әr tutti, gènt^h!
Magnàŋ e buéŋ, tant^h n s^ә pàga gnènt^h,
bàsta ch^ә duménnica andàŋ a vutà.

P^әrché m’hai purtàt^ә a st^ә č^әnóŋ
in mèzz a sta gènt^h sufisticàta?
L sai ch^ә stàgg^h mèj nt n cantóŋ
a casa mia a fà na tumbulàta!

Machì c’è la crèma, l’alta suč^әtà,
è piŋ d^ә dutóri, industriài e nutàri.
Calchidùŋ c’ha n quart^h d^ә nubiltà
e l più purétt^h gira sa l F^әràri!

Cò j ho d’arcuntà ma n avucàt^ә
io ch^ә č’ho la quinta elementàr^ә?
Si m^ә métt^h a discórr sa n inğ^әgnér^ә
quél sigùra m^ә pìa pr n ritardàt^ә.

E pò, a magnà sa la gruàtta e l v^әstìt^ә
sarò gnurànt^h, ma n usa a casa mia.
Si stàgg^h a séd^ә tutt’imbastìt^ә
m^ә s^ә chiùd^ә l^ә stòmmig^h e l’ap^әtìt va via.

Sa i cap^әlétt^h in bròd^ә fàgg^h rumór^ә,
l dindóŋ e la galìna i magn^ә sa l^ә maŋ,
la lènta n la pòss véd^ә mànc^h da luntàŋ
si no tàcc^h a scur^әgià cóm^ә n tratór^ә.

E f^әnìt^ә da magnà, sa l^ә maŋ vónt^h
pi n furminànt^h p^әr pulìmm^ә i dènti,
e capàč^ә ch^ә si n č^ә stàgg^h atènti
sa n arlòtt^h scapéčč^ә ma quél d^ә frónt^h

* * *

Oh, séŋ bèi e ch^ә rivàti a mezzanòtt^h!
Anca si sò gónfi^ә cóm^ә n ciambòtt^h
m^ә č^ә càp^ә n’àntra f^әtarìna d^ә pan^әtóŋ.
Buéŋ, dó fòghi e č^ә l^әvàŋ di cojóŋ.

Adè č^ә sarìa n pruèrbi e tucarìa arisp^әtàll:
dič^ә ch^ә chi fa l’amór^ә l prim^ә d^әl ànn^ә…
Io sa sta pànza mànc^h j la fàgg^h a truàll,
bonanòtt^h còcca mia, dumatìna n’arparlàŋ.

L’àltr giórn sò bucàt^ә nt n bistró.
Da d^ә fòra m^ә parìva n pòst tànt b^әlìŋ
e a ch^әl’óra avrìa magnàt^ә ànca l taulìŋ,
p^әrché s’èr^әn^ә fatt^h guàsi l^ә dó.

Vurìa vincisgràssi, salcìčč^ә e custarèll^ә,
e si č^ә l’avé ànca n bucuncìŋ d’agnèll^ә;
pò da bév^ә n butijóŋ d^ә ch^әl bòŋ,
ch^ә capàč^ә favurìšc^ә la diğ^әstióŋ.

«Eschiùs muà messié, jé suì desolé»,
m^ә fà la camburiéra, sa n mùs^ә straŋ,
«Nó nun č’avéŋ quél ch^ә vó vulé,
al più na bistécca, na fritàta e n filóŋ d^ә paŋ».

Entrecòtt^h e um^әlètt^h, j dìč^әn^ә malà da lóra,
La baghètt^h č’ha n nóm^ә ch^ә màl nun sòna,
e pò io màgn^ә anicò, sò d^ә bócca bòna:
«Va bèŋ, m’avé cunvént^h, pruàŋ và, signóra!»

L’um^әlètt^h e la baghètt^h pudévi sbàtt^әl^ә ntl mur^ә,
l’entrecòtt^h era artiràta, s^әgh^әnìta, n v^әléŋ:
mànc^h l cump^әnsàt è aculmò dur^ә!
Chi è ch^ә l’ha dìtt^h ch’in Francia s^ә màgna bèŋ?